Inxhinier Kostoist

Kompania Balfin Construction (ish Mane TCI), pjesë e Grupit BALFIN, është lider në ndërtim dhe investim të projekteve zhvilluese, në Shqipëri dhe rajon. E themeluar në vitin 2001. Balfin Construction është e specializuar në fushën e ndërtimeve civile dhe industriale, si: Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë.

Grupi BALFIN është një nga grupet e investimeve më të suksesshme në Ballkanin Perëndimor. I themeluar në vitin 1993, sot Grupi operon në Austri, Shqipëri, Kosovë, Bosnje dhe Hercegovinë, Kroaci, Maqedoninë e Veriut, Zvicër, Mal të Zi, Holandë, Kanada dhe Shtetet e Bashkuara të Amerikës.Portofoli i tij i diversifikuar përfshin disa sektorë, përfshirë bankat, zhvillimin e pasurive të paluajtshme, tregtinë me shumicë dhe pakicë, menaxhimin e aseteve, turizmin, logjistikën, arsimin dhe argëtimin.

Me rreth 5,500 profesionistë të punësuar, BALFIN Group vazhdon të rritet në mënyrë të qëndrueshme, i udhëhequr nga etika e fortë e biznesit, stabiliteti financiar, inovacioni dhe angazhimi afatgjatë për ndikim pozitiv në komunitet përmes Mane Foundation.

Pozicioni:           Inxhinier Kostoist

Departamenti:   Teknik, Njësia Kostos

Vendndodhja:    Zyrat Qëndrore, Tiranë

Përmbledhja e Pozicionit: Inxhinieri Kostoist ka përgjegjësi kryesore ndjekjen periodike të kostove të objekteve, hartimin e preventivave, përcaktimin dhe analizën e çmimeve për zërat përkatës, si dhe vlerësimin e kostove të punimeve shtesë.

Requirements

• Përgatitjen e situacioneve mujore, librezave të masave dhe analizave të çmimeve, duke përfshirë kontrollin e situacioneve të nënkontraktorëve. Hartimin e situacioneve për punimet e realizuara nga vetë kompania dhe përgatitjen e analizave të çmimeve sipas punimeve mujore.
  
• Kryerjen e rakordimeve mujore me Departamentin e Financës për inventarët, gjendjen në magazinë dhe shkarkimin e materialeve.
  
• Përgatitjen dhe hartimin e preventivave dhe analizave të çmimeve për punimet e realizuara nga kompania.
  
• Kontrollin e preventivave dhe çmimeve të projekteve të përgatitura nga studiot e projektimit.
  
• Ndjekjen dhe kontrollin periodik të kostos së projekteve gjatë fazës së ndërtimit, në bashkëpunim me Drejtuesin e Projektit dhe Inxhinierin Civil.
  
• Përgatitjen e preventivave për paketat tenderuese.
  
• Rishikim i analizave teknike dhe manualeve të çmimeve, në përputhje me çmimet e tregut dhe publikimet zyrtare.
  
• Ndjekjen e ndryshimeve në legjislacion dhe në publikimet zyrtare lidhur me kostot e ndërtimit dhe procedurat e kontrollit tatimor.
  
• Monitorimin e çmimeve të tregut të ofruara nga kontraktorët dhe nënkontraktorët dhe raportimin e gjetjeve tek Drejtuesi i Projektit për për të mbështetur procesin e negocimit dhe fiksimit të çmimeve në preventiv.
  
• Asistimin në përgatitjen e buxheteve mujore, raporteve të progresit dhe Cash Flow të punimeve.
  

Edukimi: Të zotërojë diplomë universitare në Inxhinier Ndërtimi.

Kërkesat e pozicionit:

• Të ketë të paktën 3 vite eksperiencë si Inxhinier Kostoist/ Preventivues në projekte ndërtimi civil dhe industrial.
  
• Të ketë të paktë 3 vite eksperiencë në përgatitjen, analizimin dhe kontrollin e kostove të ndërtimit në kompani ndërtimi.
  
• Të ketë aftësi për t’u përshtatur me teknologjitë, metodat dhe kërkesat e reja në fushën e ndërtimit.
  
• Të ketë njohuri mbi çmimet dhe kostot e ndërtimit, përfshirë çmimet minimale fiskale të aplikueshme për lloje të ndryshme objektesh.
  
• Të ketë aftësi të mira komunikuese dhe bashkëpunuese, si dhe të jetë i aftë të punojë efektivisht në grup.
  
• Të ketë njohuri të mira të programeve kompjuterike të nevojshme për pozicionin, veçanërisht AutoCAD dhe programet bazë të Microsoft Office.
  
• Të ketë aftësi për të analizuar situatat, për të sugjeruar zgjidhje praktike dhe për të marrë vendime të përshtatshme.
  

Mënyra e aplikimit:

Të gjithë të interesuarit mund të aplikojnë duke dërguar CV-në deri më datë 28.09.2026

Pas përfundimit të procesit të përzgjedhjes, do të njoftohen vetëm kandidatët e kualifikuar.

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.

Benefits

• Paketë tërheqëse përfitimesh, duke përfshirë pagë konkurruese dhe të drejtë, bazuar në meritë dhe vlerësimin e performancës.
  
• Mundësi të shkëlqyera për zhvillimin profesional dhe rritjen në karrierë pranë BALFIN Construction dhe BALFIN Group.
  
• Ditë shtesë pushimi.
  
• Shpërblime dhe vlerësime për performancën.