NEW Chef de Groupe (M/W/NB) – Kannerhaus Furen

Mir siche fir d'Kannerhaus Furen een Chef de Groupe (M/W/NB) als Educateur diplômé oder gradué am CDI mat 40 Stonnen/Woch

De Centre Movida bitt de Mataarbechter d'Geleeënheet an enger engagéierter an dynamescher Equipe am Beraich vun der intensiv-pedagogescher Betreiung fir Jugendlecher ze schaffen. D'Aarbecht besteet ënner anerem doraus déi Jugendlech bei Alldagbewältigungen ze ënnerstëtzen. Zousätzlech suergt déi enk Zesummenaarbecht mat den Autoritéiten, Schoulen a Famillje fir en intressanten an ofwiesslungsräichen Alldag.

Deng Aufgaben:

• Plangen an Ëmsetze vun Aktivitéiten a Projeten

• Vernetzt Zesummenaarbecht mat internen an externe Partneren

• Matgestalten an Ëmsetze vun individuelle pedagogeschen Ziler

• Participatioun un Teamversammlungen, Reflexiounen a fachlechem Austausch

• Dokumentatioun an Evaluatioun vun der pedagogescher Aarbecht

• Begleedung vun de Jugendlechen an hirem Alldag a bei der Entwécklung vun hirer Autonomie  

Däi Profil:

• Een a Lëtzebuerg unerkannten Diplom

• Kenntnisser an der traumasensibeler Aarbecht

• Interessi mat Jugendlechen ze schaffen a si an hirem Alldag ze begleeden an ze ënnerstëtzen

• Fäegkeet, och a komplexen oder usprochsvolle Situatioune professionell ze handelen

• Flexibel an den Aarbechtszäiten an och bereet op Schichten an Weekends ze schaffen

• Lëtzebuergesch, Franséisch an Däitsch schreiwen a schwätzen

• Bereetschaft, Verantwortung ze iwwerhuelen an initiativ ze schaffen

• Teamgeescht an eng wäertschätzend Astellung am Ëmgang mat Jugendlechen a Kolleg:innen

Wat dech erwaart:

• Méiglechkeet an enger engagéierter Organisatioun mat staarke Valeuren ze schaffen

• Eng Plaz mat Stabilitéit an enger villverspriechender Zukunft duerch de Kollektivvertrag CCT-SAS

• En ënnerstëtzenden an inspiréierende Kader, deen dir Raum bitt fir dech mat dengen Iddien a Kompetenzen anzebréngen

• Weiderbildungs- an Entwécklungsméiglechkeeten, esou dass du ëmmer um neiste Stand vun denger Passioun bass

• En dynamescht, modernt, agreabelt a multidisziplinär Aarbechtsëmfeld

Iwwert eis:

arcus asbl. ass eng jonk an dynamesch Organisatioun, déi säit 2015 e kontinuéierleche Wuesstem virzeweisen huet. Sie ass am Beräich vun der Aide à l’enfance et à la famille an de Services d’éducation et d’accueil täteg. Et ass eng léierfäeg Organisatioun, déi Erausfuerderungen erkennt an unhëlt fir d'Kompetenzen an Erfarunge vu senge Mataarbechter ze stäerken, esou dass dës am Sënn vu Respekt a Wuelwëllen am Déngscht vun aneren agesat kënne ginn.

(bei enger Astellung froen mir de Casier judiciaire)